Galaxy S26 Ultra daha güclü və daha sürətli gəlir

Samsung Galaxy S26 Ultra haqqında ilk məlumatlar: Batareya həcmi və əsas kamera dəqiqləşir

Samsung Galaxy S26 Ultra modelinə aid ilk texniki detallar ortaya çıxmağa başlayıb. Seriyanın 2026-cı ildən əvvəl təqdim olunması gözlənilmir, amma Galaxy S26 Ultra-nın batareya tutumu və əsas kamerası barədə ilk məlumatlar artıq yayılıb.

Məlumata görə, Galaxy S26 Ultra əvvəlki model olan S25 Ultra kimi 5.000 mAh batareya ilə təchiz ediləcək. Lakin GalaxyClub və UniverseIce adlı mənbələrin verdiyi məlumata əsasən, batareyanın enerji sıxlığı artırılıb. Bu isə o deməkdir ki, eyni tutuma malik batareya daha kiçik ölçüdə olacaq, yəni cihaz daha nazik və yüngül ola bilər. UniverseIce həmçinin bildirir ki, Galaxy S26 Ultra daha sürətli şarj oluna bilər, lakin konkret şarj sürəti hələlik açıqlanmayıb. Xatırladaq ki, S25 Ultra 45W gücündə şarj olunurdu.

Əsas kameraya gəlincə, Galaxy S26 Ultra modelində də 200MP-lik əsas kamera istifadə olunacaq. Bu, S25 Ultra ilə eyni görünür, amma sensorun yenilənib-yenilənmədiyi bəlli deyil. Bu da istifadəçilər üçün maraqlı bir gözləmə yaradır.

Qeyd edək ki, Galaxy S26 seriyası rəsmi olaraq yalnız 2026-cı ilin yanvarından sonra təqdim ediləcək. Buna görə də qarşıdakı aylarda daha çox məlumatın üzə çıxacağı gözlənilir.

I speculate that the battery of Samsung S26 Ultra has increased energy density, and the 5000mAh battery is smaller in size, but Samsung did not use the extra space to increase the battery, but continued to reduce the thickness of the body. I also think that the charging power of…

— PhoneArt (@UniverseIce) July 2, 2025